തൃശൂർ: റെയില്വേ സ്റ്റേഷനില് കഞ്ചാവുമായെത്തിയ സ്ത്രീ അറസ്റ്റിൽ. ഒറിഷയിലെ ഗഞ്ചം സ്വദേശിനിയായ തനു നഹാക് (41) ആണ് പിടിയിലായത്.
രണ്ട് കിലോ കഞ്ചാവാണ് ഇവരില് നിന്ന് പിടികൂടിയത്. സ്ത്രീകള് ട്രെയിൻ മാർഗ്ഗം കഞ്ചാവ് കടത്തുന്നുവെന്ന പരാതിയെ തുടർന്ന് തൃശ്ശൂർ സിറ്റി ലഹരിവിരുദ്ധ സ്ക്വാഡും പൊലീസും ചേർന്ന് നടത്തിയ പരിശോധനയിലാണ് ഇവർ പിടിയിലായത്.
റെയില്വേ സ്റ്റേഷനില് ട്രെയിൻ ഇറങ്ങി പുറത്തുവന്ന തനുവിന്റെ കൈവശം ഉണ്ടായിരുന്ന സഞ്ചിയിലെ അരിക്കുള്ളില് ഒളിപ്പിച്ച നിലയിലായിരുന്നു കഞ്ചാവ്.